ნანოკომპოზიტების ლაბორატორია_123

ლაბორატორიის საქმიანობა ეხება  სინთეზის ფუნდამენტურ პრობლემებს, ნანონაწილაკების, ორგანულ-არაორგანული და არაორგანული ნანოკომპოზიტური მასალების შესწავლას. ამ სტრუქტურების საფუძველზე ხორციელდება  ახალი თაობის ფუნქციური და სტრუქტურული მასალების (ბიოსამედიცინო დანიშნულების მაგნიტური ნანონაწილაკების, გრაფენის ოქსიდის, კონსოლიდირებული სისტემები და სხვ) მიღება. სხვადასხვა სახის ნანოკომპოზიტური მასალების მიღება ძირითადად ხორციელდება ქიმიური თანადალექვის, სონოქიმიური, სოლვოთერმული, ელექტროქიმიურ და ზოლ-გელის მეთოდების მეშვეობით.

სამეცნიერო კვლევის ძირითადი მიმართულებები:

• ავტომატიზირებული უწყვეტი ტექნოლოგიური ხაზით რკინის ოქსიდის ნანონაწილაკების  შემცველი ბიოსამედიცინო დანიშნულების მაგნიტური ნანოსითხეების  ქიმიური თანადალექვის მეთოდით  სინთეზი,  ორგანული, არაორგანული მოლეკულებით მოდიფიცირება;
• სხვადასხვა სურფაქტანტებით მოდიფიცირებული რკინის ოქსიდის ნანონაწილაკების დატვირთვა/ფუნქციონალიზაცია ანტისიმსიმვნური სამკურნალო პრეპარატებით;

• ქიმიური თანადალექვის სინთეზის გზით მიღებული ნანოკომპოზიტური მასალების ფიზიკური და ქიმიური მახასიათებლების შესწავლა;
• სხვადასხვა სურფაქტანტით მოდიფიცირებული და ანტისმსივნური პრეპარატით დატვირთული რკინის ოქსიდის ნანონაწილაკების შემცველი მაგნიტური ნანოსითხეების ბაქტერიციდული და ანტისიმსივნური თერაპიული ეფექტების შესწავლა ინ ვიტრო უჯრედულ და ინ ვივო ცხოველურ მოდელებზე.