სუპერპარამაგნიტური რკინის ოქსიდის ნანონაწილაკების (SPIONs) სინთეზი განხორციელდა ქიმიური თანადალექვის მეთოდით. კოლოიდური სტაბილურობის გასაუმჯობესებლად, მიღებული ნანონაწილაკები ფუნქციონალიზებულ იქნა ლიმონმჟავით, რის შემდეგაც მაგნიტური ნანოსისტემა ჩაერთო PVA-ს 10%-იან ხსნარში. ელექტროსპინინგის გზით მიღებულ იქნა ერთგვაროვანი კომპოზიტური ნანობოჭკოები.XRD ანალიზმა დაადასტურა მაგნეტიტის (Fe₃O₄) სპინელური ფაზა (კრისტალიტის ზომა ~25 ნმ), ხოლო FTIR, მესბაუერისა და რამანის სპექტროსკოპულმა კვლევებმა — ზედაპირული ფუნქციონალიზაციის სიზუსტე. VSM ანალიზით დადასტურდა სისტემის სუპერპარამაგნიტური ქცევა, ხოლო SEM კვლევით გამოვლინდა 200–400 ნმ დიამეტრის მქონე გლუვი ბოჭკოების ფორმირება. მიღებული მრავალფუნქციური მაგნიტური ნანობოჭკოები პერსპექტიულია ბიომედიცინური გამოყენებისათვის, კერძოდ: წამლის მიწოდების სისტემებში, MRI კონტრასტირებისთვის, მაგნიტური ჰიპერთერმიისა და ქსოვილური ინჟინერიისათვის.